MABETEX на Беџет Пацоли ќе гради катни и подземни гаражи во Чаир

Градоначалникот на Општина Чаир, Висар Ганиу, заедно со сопственикот на глобалната компанија MABETEX, познатиот бизнисмен Беџет Пацоли и градоначалникот на Град Скопје, Петре Шилегов, денеска го потпишаа Меморандумот за договор за соработка со стратешкиот инвеститор MABETEX.

-Денес означуваме историско поглавје за Општина Чаир, бидејќи токму денес го отвораме патот за стратешка и многу важна инвестиција, изградбата на катни и подземни гаражи на многу локации на нашата општина, додека една од тие локации е токму овде на плоштадот Скендербег, рече пред медиуми градоначалникот на Општина Чаир, Висар Ганиу.

Тој понатаму истакна дека она што е подеднакво важно што стратешки партнер во изградбата на овие гаражи ќе биде светски познатата компанија MABETEX на познатиот бизнисмен Бехџет Пацоли. Додека инвестицијата тежи над 50 милиони евра.

Гаражите ќе бидат катни, модерни и со светски стил.

– Гаранцијата за овие гаражи е во рацете на глобалната компанија MABETEX, која досега го извршила секој договор со голема сериозност, на време, без никакво одлагање и на високо ниво на квалитет. Оваа компанија досега беше високо оценета низ целиот свет, додека за нас е привилегија што MABETEX ја има во свои раце изградбата на гаражите, рече Ганиу.

Тој потсети дека Општина Чаир се грижеше и продолжува да се грижи за само една работа, благосостојбата на нејзините граѓани и во таа насока се градбите на овие гаражи.

-И она што морам да го истакнам е дека само за овие четири години успеавме да создадеме близу 1.500 места за паркирање што не е мала бројка, додека со изградбата на овие нови гаражи проблемот со паркинг местата ќе се реши еднаш засекогаш, затоа што ќе има 3.000 нови паркинг места. На крај, сакам да ве потсетам дека овие гаражи беа наше ветување и ќе станат наша реализација, истакна Ганиу.