„Љубојна“ ги расположи паланчани предновогодишно – одлична атмосфера и покрај ниските температиури

Во духот на новогодишните празници и традицијата на дарување, градоначалникот на Општина Крива Паланка, Сашко Митовски, неделното утро го помина со најмладите од  Ромското маало и им донесе голема  радост и многу искрени насмевки.

Заедно со Дедо Мраз, беа поделени новогодишни пакетчиња на најмладите, кои со искрена детска возбуда ја пречекаа празничната посета. Насмевките на дечињата, веселата атмосфера и празничниот дух беа најубавата потврда за значењето на ваквите хумани и топли гестови.

Општина Крива Паланка и оваа година ја негува традицијата на внимание и грижа за најмладите, со желба празничните денови да донесат радост, топлина и убави моменти во секој дом.

Нека сечиј дом за време на новогодишните празници биде исполнет со среќа, здравје и детски насмевки.

Втората вечер од Новогодишниот базар на Градскиот плоштад во Крива Паланка помина во знакот на голема посетеност, одлична атмосфера и вистинска празнична енергија.

И покрај ниските температури, плоштадот беше исполнет со топлина, насмевки и позитивна енергија, благодарение на богатата музичка програма која ги обедини сите генерации. Спојот на традиционалниот звук на групата „Љубојна“ со современите и популарни хитови на Тајзи, надополнети со настапот на Duo Brothers, создадоа незаборавна музичка вечер и вистинско празнично доживување за присутните.

Новогодишниот базар и понатаму останува место на заедништво, радост и културна размена, каде што празничниот дух се чувствува на секој чекор.

Празничната програма продолжува и во наредните денови, носејќи уште многу причини за радост, дружење и убави спомени.