Ливерпул вечерва го победи Манчестер јунајтед со 7:0
Ливерпул вечерва го совлада Манчестер јунајтед со 7:0 во натпреварот од 26. коло на Премиер лигата. Средбата се одржа на „Енфилд“, а по два гола постигнаа Мохамед Салах, Дарвин Нуњез и Коди Гакпо, еднаш погоди Роберто Фирмино.
Салах стана најдобар стрелец на Ливерпул во англиската Премиер лига. Сега Египќанецот има 129 гола, еден повеќе од Роби Фаулер.
Ливерпул се искачи на петтото место на табелата во Премиер лигата со 42 бода, додека Манчестер јунајтед е трет со 49 бодови.
Поразот 0:7 од Ливерпул е најголемиот пораз на Манчестер јунајтед во последните 92 години и најлошиот резултат на клубот во историјата на Премиер лигата
Воедно, 0:7 е повторување на најлошиот резултат на Манчестер јунајтед во целата историја на клубот. Клубот три пати загубил со 7:0. Од Блекбурн во 1926 година, Астон Вила во 1930 година и Вулверхемптон во 1931 година.
Натпреварот остана забележан и по еден инцидент. Менаџерот на Ливерпул, Јирген Клоп беше многу изнервиран од однесувањето на еден навивач на „црвените“ кој при прославата на седмиот гол истрча на теренот да го прослави голот со своите миленици.Тој ја прескокна оградата, истрча до играчот, но во таа прилика очигледно го собори Енди Робертсон, кој остана на тревата со болна гримаса.Реагираше лекарскиот тим, но и обезбедувањето кое го извади навивачот од теренот.
Тие поминаа покрај Клоп, кој беше многу лут и имаше секакви работи да му каже на младиот навивач на Ливерпул, кој го повреди Робертсон.Левиот бек на Ливерпул набрзо стана и се чини дека не е тешко повреден.