„Леонардо“ повторно ја одложи испораката на хеликоптери на Бугарија

Италијанската компанија „Леонардо“  повторно ги одложи двата медицински хеликоптери  за Бугарија, а санкцијата за тоа е половина милион лева, пишува БГНЕС. Едниот хеликоптер се уште е на монтажната лента и го чека склопувањето, а другиот е на тестирање.

Во официјалната информација на компанијата, упатена до Министерството за здравство , се вели дека испораката на следните два медицински хеликоптери може да се случи на крајот на февруари 2025 година за едниот хеликоптер и крајот на март 2025 година за вториот хеликоптер , нагласувајќи дека загрозено е и почитувањето на овие рокови. Како причина, производителот посочува „критично доцнење во снабдувањето со клучните компоненти за склопување на леталата“.

Во оваа фаза вториот хеликоптер е во процес на летачко тестирање, а третиот е во фаза на склопување и е склопен околу 60%.

Според потпишаниот договор, првиот хеликоптер требаше да биде во Бугарија до крајот на јуни годинава, а вториот до крајот на декември. Овие рокови производителот двапати ги прекршил, а за тоа со официјални дописи во мај и октомври било известено Министерството за здравство.

Во моментов очекуваното доцнење е 183 дена за првиот хеликоптер и 90 дена за вториот, со предвидените санкции кои ќе бидат изречени во случај да не се испочитуваат последните наведени рокови за испорака на двете летала во вкупна вредност од над лева. 500.000, пишува БГНЕС.

Македонија исто така чека хеликоптери од оваа компанија кои треба да се користат за цивилни но и за воеени цели.