Ленче Ристоска: Два месеци ме клеветеа и укажуваа дека треба да ја повлечам кандидатурата

31/07/2025 11:58

Обвинителката Ленче Ристоска се огласи на Фејсбук откако Влада без објаснување ја повлече листата од тројца кандидати кои беа во трката за судија во Судот за човекови права во Стразбур.

-Со оглед дека Владата одбива да даде појаснување за тоа кои критериуми не ги исполнуваме како кандидати, што е спротивно на препораките на Советот на Европа, сакам да појаснам неколку работи. Последниве два месеци имав укажувања дека треба да ја повлечам мојата кандидатура за судија во судот во Стразбур, а во исто време во јавноста се одвиваше и клеветничка кампања против мене.
 
Затоа и потегот на Владата за неприфаќање на листата за мене беше очекуван, само формата како Владата ќе се обиде да ги прекрши процедурата и препораките на Совет на Европа за избор на кандидати за судии, но и насоките што самата Влада ги дала на Комисијата во решението за нејзино формирање беше неизвесна. Неиздржаноста на одлуката на Владата може да се насети од општата формулација за неприфаќање на листата, од нетранспарентноста и одбивањето да се дадат конкретни информации за критериумите кои наводно кандидатите не ги исполнуваат.

 

Според препораките на Советот на Европа, постапката мора да биде извесна и однапред пропишана, фер и транспарентна. При вакви услови сосема е нормално и прифатливо и да не сте најдобриот кандидат и да не ја добиете позицијата за која аплицирате. Најповикани и најстручни да ги оценат кандидатите во рамки на националната селекција се Комисијата која беше формирана со оваа цел, како и советодавното тело на Советот на Европа, кои токму затоа се дел од процесот за предлагање на кандидати за судии во Европскиот суд за човекови права, а Владата согласно препораките на Совет на Европа мора да го оправда секое отстапување од листата утврдена од Комисијата, напиша обвинителката на Фејсбук.

Поврзани содржини

Османи од Чаир: Поддршка за самохрани мајки, жени во ранливи категории и претприемачки
Мицкоски ја отфрли идејата на Филипче за резолуција за „црвените линии“ на Македонија
ВМРО-ДПМНЕ: Во времето на Филипче инвеститорите не доаѓаа, бегаа! Тој пак тврди дека странските инвестиции се преполовени
Шукова ќе ја деблокира изградбата на булеварот кај мостот на „Љубљанска“
Филипче: Младите социјалдемократи можат да ја подигнат партијата и да ја исправат државата
Собранието да донесе резолуција со нашите црвени линии, а ако има ново вето да ги прекинеме преговорите со ЕУ, предлага Филипче
Филипче: СДСМ оди на победа во Крива Паланка
ДИК: 13 постапки за независни кандидати за градоначалници, во пет општини се собираат потписи за советници

Најчитани