Лавров го советува Путин да продолжи да разговара

Министерот за надворешни работи на Русија, Сергеј Лавров, му предложи на претседателот Владимир Путин Москва да продолжи по дипломатскиот пат во напорите да извлече безбедносни гаранции од Запад.

Лавров се сретна со Путин во понеделникот и рече дека Москва треба да го продолжи дијалогот со Западот, иако одговорите од Европската унија и воената алијанса на НАТО не беа „задоволителни“.

На прашањето на Путин дали има смисла да се продолжат дипломатските напори, Лавров одговори дека можностите за разговори не се исцрпени и предложи да продолжат преговорите.

После него, со Путин се сретна и министерот за одбрана Сергеј Шојгу.

Тој рече дека завршуваат заедничките воени вежби во Белорусија. Тие вежби, во соседна земја на Украина, се сметаат за еден од најотворено заканувачките елементи на трупањето сили на Кремљ околу границите на Украина.