Кубацки со лет од 144 метри го собори рекордот и победи на Гармишпартенкирхен
Полскиот скокач и минатогодишен освојувач на турнирот Четири скокалници Давид Кубацки и оваа година се истакнува во кандидатурата за освојување на трофејот на најпознатиот турнир во ски-скокови.
Имено, тој денеска победи на вториот натпревар во Гармишпартенкирхен.
Со одличен скок во втората серија дојде до победа пред Норвежанецот Халвор Егнер Греанеруд и сонародникот Пјотр Зиле.
Our Top 3 today at @neujahrsskispringen! 🤩🔥
Congratulations to Dawid #Kubacki 🇵🇱, Halvor Egner #Granerud 🇳🇴 and Piotr #Żyła 🇵🇱! 👏#4hills #garmischpartenkirchen #skijumping pic.twitter.com/PmB16A5tgX— Vierschanzentournee (@vier_schanzen) January 1, 2021
Кубацки во првиот скок имаше 139 метри, а во вториот обид скокна 144 метри и така го собори рекордот кој досега го држеше Швајцарецот Симон Аман (143,5 метри).
Во вкупниот поредок прв е Гранеруд со 555 бодови, четири помалку има победникот од Оберсдорф Карл Гајгер, а Сток и Кубацки се следни на трето и четврто место.
Утре и задутре следуваат натпреварите во Инсбрук, а потоа завршницата во Бишофсхофен.