„Кроација ерлајнс“ купува 15 нови авиони за 500 милиони долари

Првиот од 15 нови авиони „Ербас А 220“ во флотата на „Кроација ерлајнс “треба да пристигне во јуни 2024 година, изјави за „Јутарњи лист“ Томислав Михотиќ, државен секретар во Министерството за транспорт.

Михотиќ и извршниот директор на „Кроација ерлајнс“, Јасмин Бајиќ, неодамна ја посетија фабриката „Бомбардиер“ во Канада, каде што се произведуваат авионите на „Ербас“, со цел со претставниците на Ербас да ги одредат роковите за испорака, пишува весникот во петочното издание.

Имено, како последица на епидемијата на корона дошло до големо пореметување на пазарот, а значително доцни и испораката на нови авиони. Така е и со авионите нарачани од CA. Имено, според договорот, првите два авиона требаше да бидат испорачани на почетокот на следната година, а сега од компанијата велат дека првите ќе бидат испорачани во втората половина на следната година.

Михотиќ посочува дека се задоволни од дискусиите и гаранциите што ги добиле. Хрватската делегација ги посети и погоните каде што се склопуваат авионите, а Михотиќ е исклучително задоволен од виденото.

Според него, новите авиони ќе овозможат поголема конкурентност на КА на светскиот пазар и отворање на нови линии. Долгорочен лизинг Договорот за купување на нови авиони меѓу „Кроација ерлајнс“ и „Ербас“ беше потпишан на 29 ноември минатата година.

Според договорот, два авиони треба да бидат испорачани во 2024 година, следните шест во 2025 година, четири во 2026 година и три авиони во 2027 година. Според достапните информации, флотата на „Кроација“ треба да вклучува 12 авиони А 220-300 со 149 седишта и три А 220-100 со 127 седишта.

Покрај 15-те авиони, „Кроација“ склучи договор и за купување на 33 авионски мотори и обука на пилоти, која веќе започна. Сите авиони ќе се финансираат преку долгорочен оперативен лизинг, односно „Кроација“ нема да биде нејзин сопственик, пишува „Јутарњи лист“.