Ковачевски со честитка за Денот на независноста на САД
Премиерот Димитар Ковачевски упати честитка до граѓаните на САД, по повод Денот на независноста.Во честитката премиерот Ковачевски истакна дека САД се нашите стратешки партнери чија што поддршка е од исклучително значење за напредокот на нашата држава.
Во продолжение е интегралната честитка на премиерот:
„Соединетите Американски Држави се наш стратешки партнер, чија поддршка во сите предизвици од независноста до денес, вклучувајќи ја и недвосмислената поддршка за процесот на евроинтеграции на Република Северна Македонија, исклучително ја цениме.
Заедничката посветеност на демократијата, на слободата, еднаквоста, почитувањето на човековите права, на градењето силни демократски општества е основата на која нашето пријателство и партнерство ќе продолжат да се развиваат и зајакнуваат и на политички и економски план, но и обединети на вистинската страна како сојузници во НАТО”, се вели во честитката од премиерот Ковачевски.