Ќерката на Шојгу се сончаше во Дубаи додека руски војник замрзна во Украина

Ќерка на министерот за одбрана на Русија, Димитри Шојгу, Ксенија Шојгу, викендот го  помина во базен во Дубаи, речиси во исто време кога беше објавено видео направено од дрон кое покажува еден од неговите неопремени војници се тресе и смрзнува до смрт во лисичја дупка во Украина. Ксенија Шојгу беше сместена со својот сопруг во Палатата „Цезар“ во Дубаи.

Андреј Турчак, секретар на Генералниот совет на Единствена Русија, вети дека ќе му го одземе членството во партијата на сопругот на Ксенија, Денис Долженко, поради „несоодветните фотографии“, што тој самиот ги објави на Твитер.

„Имаше неколку случаи од висок профил за време на празничната сезона кога пратеници од редовите на Единствена Русија се однесуваа несоодветно. Има многу работи за кои можете да бидете страстни во животот – трчање, нуркање, скијање… Но, за сè има време и место. На уште еден наш пратеник утре ќе му биде одземено партиското членство. Доста му е…“.

Долженко одговори  дека бил во Дубаи за време на неговиот официјален одмор и ја одбрал дестинацијата „за да го однесе своето дете на море, како што му препорачале лекарите“.

Рускиот министер Сергеј Шојгу е во брак со Ирина Шојгу, а заедно имаат две ќерки Ксенија и Јулија. Ксенија дипломирала на Економскиот факултет и, според странските медиуми, моментално работи во „Гаспромбанка“.