Кампањата на Трамп откажа дел од тужбата за Пенсилванија

Кампањата на претседателот Доналд Трамп го повлече централниот дел од својата тужба со која сака да го запре сертифицирањето на изборните резултати во Пенсилванија, каде демократот Џо Бајден го победи Трамп и тоа му помогна во победата за Белата куќа.

Пред рочиштето во вторник за овој случај, кампањата на Трамп во неделата ги отфрли наводите дека 682.479 гласачки ливчиња по пошта и за отсутни лица биле незаконски обработени без да гледаат нејзините претставници

Намалената тужба за кампањата, поднесена во федералниот суд во неделата, ја одржува целта да ја блокира Пенсилванија да ја потврди победа на Бајден во државата и го задржува тврдењето дека демократските гласачи биле третирани поповолно од републиканските гласачи.

Преостанатото барање во тужбата се однесува на дисквалификација на гласачките ливчиња дадени од гласачи на кои им беше дадена можност да поправат поштенски ливчиња што требаше да бидат дисквалификувани врз техничка основа.

Во тужбата се тврди дека „тешки демократски окрузи“ го прекршиле законот идентификувајќи поштенски ливчиња пред денот на изборите кои имале дефекти. Републиканските окрузи не го направиле тоа.

Клиф Левин, адвокат кој го застапува Демократскиот национален комитет, кој сака да интервенира, рече дека не е јасно колку гласачи добиле шанса да го поправат своето гласачко ливче. Но, рече тој, бројот е минимален и сигурно помалку од разликата – речиси 70.000 – што ги дели Бајден и Трамп. „Бројките не се ни близу до маргината помеѓу двајцата кандидати, дури ни близу“, рече Левин.

Највисокиот службеник за избори во Пенсилванија, државниот секретар Кети Буквар, демократ, одговори во судот во неделата, барајќи од судијата да го отфрли случајот.

Повеќе од 2,6 милиони гласачки ливчиња беа добиени по пошта и не е направен ниту извештај за измама или проблеми со точност од изборни службеници од државата или окрузите. (АП)