Калас во прва посета на Балканот, ќе ја прескокне Македонија

Високата претставничка за надворешна политика и безбедност на ЕУ, Каја Калас, од 7 до 9 април ќе биде во прва посета на Западен Балкан, во која ќе бидат Црна Гора, Албанија и Босна и Херцеговина.

Во Црна Гора, в Калас ќе се сретне со претседателот Јаков Милатовиќ и премиерот Милојко Спајиќ, соопштија од Европската служба за надворешни работи (ЕЕАС).Најавена е и средба со претставници на граѓански организации и учество во проверка на опремата финансирана од Европскиот мировен инструмент заедно со министерот за одбрана на Црна Гора Драган Краповиќ.

Калас во Албанија ќе се сретне со претседателот Бајрам Бегај и премиерот Еди Рама со кои ќе одржи заедничка прес-конференција.Високата претставничка Калас ќе се сретне и со министерот за Европа и надворешни работи Игли Хасани и со министерката за одбрана Пира Венгу, со кои и официјално ќе го отвори првиот дијалог за безбедност и одбрана меѓу ЕУ и Албанија.

Таа ќе присуствува и на потпишувањето на договорот за грантови и заеми од Европската инвестициска банка за развој на пругата Драч-Рогожина.Калас ќе им се обрати и на студентите и на претставниците на граѓанското општество во Албанија.

Во Босна и Херцеговина, Калас  ќе ги посети членовите на ЕУФОР Алтеа и ќе се сретне со членовите на Претседателството на Босна и Херцеговина.Тој ќе се сретне и со претседавачот на Советот на министри Борјана Кришто и со министерот за надворешни работи Елмедин Конаковиќ.