Јапонката Наоми Осака победи на Австралија опен

Австралија– Јапонката Наоми Осака утрово победи на Отвореното првенство на Австралија, освојувајќи ја нејзината четврта гренд слем титула. Дваесет и тригодишната Осака беше подобра во финалето од Американката Џенифер Брејди со 2-0 во сетови.

Осака сега два пати има победено на Австралија опен, по триумфот во 2019 во Мелбурн и двете гренд слем титули на Отвореното првенство во САД во 2018 и 2020.

Утре од 9.30 часот на „Род Лејвер“ арена во Мелбурн ќе се игра машкото финале меѓу Новак Ѓоковиќ и Данил Медведев.

Ѓоковиќ втора година по ред ќе ја брани титулата на Отвореното првенство на Австралија, откако по деветти пат се пласираше во финалето на овој гренд слем турнир.