Изгоре познатиот клуб „Минт“ во Загреб

Ноќеска, изгоре ноќниот клуб „Минт“ во Загреб, потврдија пожарникарите.

Клубот се наоѓа на улицата „Флоријан Андрашец“. Клубот сѐ уште не почнал со работа по летната пауза, а на нивната веб-страница пишува дека повторно ќе почнат со работа во септември.

Клубот е отворен во декември 2019 година, а сопственик е Кристијан Бабиќ.Тоа е еден од најголемите клубови во Загреб, а можеше да прими и до 1.000 луѓе.

Полицијата е пред клубот, најверојатно почнува истрага, по што ќе има повеќе информации за пожарот. Пред клубот има неколку обезбедувачи, а во воздухот се чувствува мирис на горење, пишува Индекс.

Како што се дознава, станар од блиската зграда го забележал пожарот и повикал пожарна, но не знаел точно што гори. Видел голем отворен пламен. Пожарникарите биле на терен за 5 минути по повикот. И за половина час го локализирале пожарот.

Два часа подоцна, пожарникарите веќе биле на пат назад кон нивната станица.

Пожарот избувнал околу 3 часот, а гаснењето траело половина час. Како што велат пожарникарите, на терен имало пет возила со 14 пожарникари.