Издвоени 546 милиони денари за капитални инвестиции во Ѓорче Петров

Општина Ѓорче Петров со првиот ребаланс на буџетот издвои 546 милиони денари за капитални инвестиции.

Воедно, дополнително се зголемени средствата за унапредување на условите во детските градинки – 20 милиони денари, за изградба и реконструкција на уличната инфраструктура – 21 милион денари и за подобрување на јавната хигиена – 8 милиони денари.

-Со овој ребаланс, Општина Ѓорче Петров продолжува да инвестира во проекти од непосредно значење за граѓаните, создавајќи подобра инфраструктура, поквалитетни јавни услуги и поурбана и уредна општина – истакна градоначалникот на Општина Ѓорче Петров, Александар Стојкоски.