Италија подготвува нови казни за брзо возење: 10 евра за секој километар над ограничувањето

Италија разгледува нов начин за пресметување на сообраќајните казни, според кој возачите би плаќале по 10 евра за секој километар на час над дозволената брзина.

Моделот сè уште е само предлог и не е стапен во сила. Доколку биде усвоен, возач кој на автопат со ограничување од 130 км/ч вози со 140 км/ч би платил 100 евра, додека за 150 км/ч казната би изнесувала 200 евра.

Паралелно, Италија го проширува надзорот со системот Tutor 3.0, кој ја пресметува просечната брзина на возилото меѓу две контролни точки.

Предлог-законот може да претрпи измени во текот на законската процедура. Според актуелниот план, конечната одлука се очекува до октомври годинава.

Доколку биде прифатен, системот би донел едноставно правило – колку поголемо е пречекорувањето, толку повисока ќе биде казната.