(Инфографика) Овие 10 економии поседуваат две третини од богатството во светот 

Глобалната економија може да се гледа како пита, при што големината на секое парче го претставува уделот во глобалниот БДП за што секоја земја придонесува. Во моментов, најголемите парчиња од колачот ги држат САД, Кина, Јапонија, Германија и Индија, кои заедно сочинуваат повеќе од половина од глобалниот БДП.
Графиконот подолу на „Вижуалкапиталист“ го прикажува светскиот БДП и уделот на секоја земја во него.

БДП „тешкаши“
Само 5 земји го сочинуваа повеќе од половината од вкупниот светски БДП во 2022 година: САД, Кина, Јапонија, Индија и Германија. Интересно е што Индија годинава ја замени Велика Британија на врвот на листата.

Десетте најголеми светски економии сочинуваат 66 отсто од глобалната економија, а првите 25 земји со 84 отсто од глобалниот БДП.

Најмали економии во светот

Остатокот од светот – преостанатите 167 нации – учествува со 16 проценти од глобалниот БДП. Многу од најмалите економии се острови лоцирани во Океанија.

Тувалу има најнизок БДП од која било земја од само 64 милиони долари. Тувалу е една од десетте земји со БДП помал од една милијарда долари.

Глобалната економија во 2023 година

Во 2023 година ќе има голема економска неизвесност. Многу експерти предвидуваат кратка рецесија, иако мислењата за дефиницијата за „краток“ радикално се разликуваат меѓу нив.

Некои експерти веруваат дека Кина ќе го смени трендот на економски пад. Доколку ова предвидување се оствари, земјата во блиска иднина би можела да поседува уште поголем дел од колачот на глобалниот БДП.