Инфлацијата во Турција достигна рекордни 80,2 отсто

Во Турција годишната инфлација во август достигна 80,2 отсто, што е за 0,5 отсто повеќе отколку во јули кога изнесуваше 79,7 отсто, објави турскиот државен завод за статистика.

Ова постави нов рекорд од 1998 година. На крајот на годината се очекува забавување на растот на цените.

Потрошувачките цени во Турција растат од март 2021 година, кога инфлацијата достигна 16,6 отсто.

Со оглед на тоа што растот на потрошувачките цени не скокна како во претходните месеци, може да дојде до ублажување на едногодишната инфлаторна криза.

Турција, која важи за стратешки важна земја во развој, инаку е потресена од економската криза. Таа беше погодено откако претседателот на земјата, Реџеп Таип Ердоган, се одлучи за експериментална политика за намалување на основната каматна стапка во борбата против високата инфлација. Мнозинството други европски земји одлучуваат токму спротивното, односно ги зголемуваат клучните каматни стапки, пренесува СЕЕбиз.

Спротивно на популарната теорија, турскиот претседател инсистира дека заострувањето на монетарната политика со зголемување на каматните стапки не е рецепт за намалување на инфлацијата, поради што турската централна банка ја намали основната каматна стапка пет пати по ред минатата година и претходната година, што моментално изнесува 14 проценти.

Минатиот викенд турската централна банка објави дека инфлацијата ќе падне на 65 проценти до крајот на годината. Претседателот на државата оценува дека тоа ќе се случи дури во јануари.