Илхан Ќучук предлага Бугарија да бара еврокомесар за проширување

Премиерот Димитар Главчев денес разговараше со Екатерина Захариева, Искра Михаилова и Велислава Петрова, кои во моментов се официјално предложените номинации за еврокомесар од пратеничките групи ГЕРБ-СДС, ДПС и ИТН. Премиерот Главчев вчера испрати и писмо до сите пратенички групи во 50. Народно собрание, во кое ги повика да заземат став за прашањето кои треба да бидат двајцата кандидати за бугарски еврокомесар во следната Европска комисија. Со оглед на истекот на рокот за реакција, премиерот ги очекува номинациите да стигнат до утре – 29 август.Од владината прес-служба информираат дека Димитар Главчев е подготвен да се сретне со предложените кандидати од останатите пратенички групи, кои се уште немаат дадено предлози.

Од ПП-ДБ соопштија дека го предлагаат Јулијан Попов да биде следниот бугарски еврокомесар. Во писмото се нагласува дека Бугарија се наоѓа во невидена политичка криза и преодната влада  нема  легитимитет да го именува бугарскиот еврокомесар во следните 5 години. Според оваа коалиција, Јулијан Попов е еден од највлијателните гласови во Европа на тема „енергија“ и затоа се потпираат на него како натпартиски кандидат и експерт со висока компетентност. Во момент на политичка криза, издигнувањето на непартиска личност со статус на светски експерт е начин да се покаже дека бугарскиот интерес е поголем од теснопартискиот, порачаа од ПП-ДП.Јулијан Попов има значајна експертиза и во други области: клима, животна средина и образование. Бил министер за екологија во две влади и е еден од основачите на Новиот бугарски универзитет. До преземањето на функцијата во последната редовна влада, тој бил претседател на Европскиот институт за градежни перформанси (BPIE), водечки тинк-тенк во Брисел во областа на градењето и регионалната политика.Според коалицијата ПП-ДБ, Бугарија треба да добие оддел во Европската комисија што би бил навистина стратешки за земјата. „Сметаме дека одделот „Енергетика“ е соодветен, бидејќи Бугарија  успеа да се ослободи од енергетската зависност од Русија во областа на гасот, нафтата и нуклеарното гориво.Затоа, назначувањето на специјалист од оваа област за еврокомесар ќе биде од клучно значење како за бугарскиот интерес во Брисел, така и за европскиот интерес на глобално ниво“, порачаа од ПП-ДП.

Претходно на 28 август бугарските медиуми објавија дека ресорот за кој најверојатно ќе биде одговорен следниот бугарски еврокомесар е регионалната политика. Владата мора да предложи двајца кандидати (по можност маж и жена) за еврокомесар од Република Бугарија. Откако претседателката на ЕК, Урсула фон дер Лајен, ќе избере  по еден од кандидатите од секоја земја, таа треба да му го предложи на Советот на ЕУ новиот состав на ЕК.