И Гаши не ги слушнал скандирањата за „Голема Албанија“, навивачите биле „достоинствени“
Функционерите од власта си играат мајтап со народот. Одат на натпревари, а не ги слушнале националистичките скандирања
Навивачите на Шкендија синоќа во повеќе наврати за време на натпреварот со Карабах на Националната арена скандираа „Илирида“ и „Голема Албанија“. Тие и покрај сите апели за фер и спортско навивање, настапија со националистичките извикувања. И овојпат натпреварот на трибините на Арената „Тодор Проевески“ го следеа влaдини фунционери, вицепремиерот Изет Меџити, претседателот на Собранието Африм Гаши, министерот за економија Бесар Дурмиши, но и опозиционерите Али Ахмети и Арбен Таравари.
Претседателот на Собранието Африм Гаши, кој претходно ги осуди навивачите на Куманово и повика на единство на кошаркарскиот натпревар со Романија, сега молчи, односно кажа дека бил на натпреварот. но не слушнал такво нешто, а ако се случило – го осудува.
Од друга страна пак тој на својот фејсбук статус им честита на навивачите кои според него биле достоинствен пример за националните вредности.
„Им честитам на навивачите кои беа подеднакво достоинствени примери за нашите национални вредности, внатре и надвор од стадионот. Со доверба и оптимизам го очекуваме резултатот од реваншот, убедени дека Шкендија ќе се бори до крај“, пишува во својот статус Гаши. Испаѓа дека Гаши и другите албански лидери му држат лекција на Мицкоски, дека немаат храброст да ги искараат своите гласачи, дека сами ги поттикнуваат ваљквите настани за предизборни поени – или пак едноставно праќаат порака дека за нив не важат апелите да се престане со националистичките испади.
Очигледно за настанот не слушнала и Вјоса Османи бидејќи ја нема да ни го брани соживотот.