Хрватските веслачи браќата Синковиќ освоија златен медал во Париз – трет на Олимпијадите

Веслачите Мартин и Валент Синковиќ го освоија третиот златен медал на Олимписките игри во кариерата бранејќи ја титулата олимписки шампиони во двојката во Париз.

Ова е четврти олимписки медал за браќата Синковиќ, по среброто во четворка во Лондон 2012 година и златото во двојка во 2016 година во Рио де Жанеиро и двојка во 2021 година во Токио. Ова ги направи најтрофејните хрватски олимпијци од Летните игри во историјата.

Синковиќ до златото стигна со фантастичен финиш, на 500 метри пред целта беа четврти со две и пол секунди заостанување зад водечките Британци Оливер Вајн-Грифит и Том Џорџ со минимално заостанување зад вториот Романец и третиот Швајцарец. Но, потоа го забрзаа темпото, многу брзо се одвоија од Романците и Швајцарците за да стигнат и да ги престигнат Британците на последните 100 метри, а целта да ја  поминат за време од 6:23,66 минути, 45 стотинки.