Хрватска нема да го брани светското злато! Немаше шанси против Унгарија

Тежок пораз на Хрватска во четвртфиналето на Светското првенство.
Хрватската ватерполо репрезентација нема да го брани светското злато. Во четвртфиналето загуби од Унгарија со 18:12.

Хрватска во Сингапур  го бранеше светското злато освоено минатата година во Доха. За жал, со поразот од Унгарија, беше елиминирана од борбата за медали, а натпреварувањето ќе продолжи во плејофот за пласман од петтото до осмото место.

Унгарија до победата ја предводеа Кристијан Манхерц со четири гола, и Мартон Вамос и Адам Наги со по три гола, додека Кристоф Чома имаше 10 одбрани.

На хрватската страна, Звонимир Бутиќ беше најефикасен со четири гола, додека Лука Букиќ и Константин Харков постигнаа по два гола. Хрватските голмани Марко Бијач и Тони Попадиќ имаа вкупно четири одбрани.

Унгарија во полуфиналето ќе игра против Србија, која ги победи САД со 14:9. Шпанија и Грција ќе играат во другото полуфинале. Шпанците ја победија Црна Гора со 14:5, додека Грција ја победи Италија со 17:11.

Хрватска ќе игра во плејофот за пласман од 5-то до 8-мо место. Прво ќе играат против репрезентацијата на САД, а во вториот натпревар ќе се сретнат Италија и Црна Гора.