Хипотекарните стапки во САД се искачија на 7 отсто откако беше намален кредитниот рејтинг

Хипотекарните стапки во САД скокнаа оваа недела, искачувајќи се поблиску до 7 отсто. Овој потег уследи по минатонеделното зголемување на каматните стапки од страна на Федералните резерви и намалувањето на рејтингот оваа недела од страна на агенцијата „Фич“ на државниот долг на САД, како и на Фреди Мек и Фани Меј.

30-годишната хипотека со фиксна стапка во просек изнесуваше 6,90 отсто во неделата што завршува на 3 август, од 6,81 отсто претходната недела, според податоците од Фреди Мек објавени во четвртокот. Пред една година, 30-годишната фиксна стапка беше 4,99 отсто, а најниски стапки беа во последните 12 месеци.

„Комбинацијата на оптимистички економски податоци и намалувањето на кредитниот рејтинг на американската влада предизвика раст на хипотекарните стапки оваа недела“, рече Сем Катер, главен економист на Фреди Мек. „И покрај повисоките стапки и пониската побарувачка за купување, цените на куќите се зголемија поради многу ниските непродадени залихи“.

Просечната стапка на хипотека се заснова на апликациите за хипотека што Фреди Мек ги добива од илјадници заемодавачи низ целата земја. Анкетата вклучува само должници кои положиле 20 отсто (ушество) и имаат одличен кредит.

Фиксната стапка за 30-годишна хипотека продолжи на 7 отсто  оваа недела, бидејќи приносите на 10-годишните трезорски записи се искачија над прагот од 4 отсто, рече Хана Џонс, аналитичар на економски податоци во Realtor.com.

„Во средата, американското Министерство за финансии објави дека ќе продаде долгорочни хартии од вредност од над 100 милијарди долари, со што приносите на 10-годишните трезорски записи ќе достигнат највисоко ниво од ноември“, рече Џонс. „Овој развој, заедно со претстојните податоци за вработеноста и инфлацијата, ќе одреди колку хипотекарните стапки може да се зголемат на краток рок“.

Доколку вработеноста и инфлацијата се засилат, рече таа, стапките на хипотеките најверојатно ќе продолжат да се зголемуваат бидејќи пазарите очекуваат дополнително затегнување на монетарната политика.

Минатата недела, Банката на федерални резерви ја зголеми својата референтна стапка на кредитирање за четвртина поен, како што се очекуваше.

„Изјавата на Комитетот нагласи дека дојдовните економски податоци ќе ги водат идните одлуки за зголемување на стапката“, рече Џонс. „Купувачите на домови продолжуваат да ги чувствуваат ефектите од построгата политика“.

Иако ФЕД не ги одредува каматните стапки што позајмувачите ги плаќаат директно за хипотеките, нивните дејства имаат влијание. Хипотекарните стапки имаат тенденција да го следат приносот на 10-годишните американски трезорски записи, кои се движат врз основа на комбинација на очекувања за активностите на ФЕД, што всушност ги прави ФЕД и реакциите на инвеститорите. Кога приносите на записите се зголемуваат, така се зголемуваат и хипотекарните стапки; кога тие се намалуваат, хипотекарните стапки имаат тенденција да следат.

Постоечката продажба на домови и продажбата на новоизградените куќи беа намалени во јуни поради  повисоките стапки.

„Ввисоките цени на домовите и покачените хипотекарни стапки ја намалија куповната моќ за многу купувачи, што доведе до помала продажба на домови и помалку огласи“, рече Џонс. Многу сопственици се откажаа да го понудат својот дом за продажба, главно како одговор на денешните високи стапки на хипотека, рече Џонс.