Гугл повторно обвинет за монополска позиција на технолошките пазари во САД

Суд во САД синоќа пресуди дека Гугл незаконски држела монополска позиција на два пазари на технологии за онлајн рекламирање, со што се отвора пат американските антимонополски обвинители да побараат разделување на нејзините рекламни производи.

Гугл е во сопственост на Alphabet.

Судијка на Окружниот суд во Александрија, Вирџинија, го прогласи Гугл за виновен со тоа што намерно стекнувал и одржувал монополска позиција на пазарите за сервери, издавачка реклама и рекламни берзи, кои служат како посредници меѓу купувачите и продавачите.

Оваа одлука го отвора патот за ново рочиште за определување на мерките за обнова на конкуренцијата на овие пазари, вклучително и можна продажба на делови од бизнисот на Гугл како резултат на друг судски процес, датумот за кој сè уште не е одреден. Ова е втора ваква судска пресуда за признавање на монополната позиција на Гугл како незаконска, по сличниот исход на случајот за онлајн-пребарувачите.

По донесувањето на пресудата, акциите на Google паднаа за 1,4 отсто.