(Галерија) Групно фаќање на крстот во Вардар
По повод празникот Богојавление – Водици на мостот „Слобода” кај „Холидеј ин“ во Скопје денеска се одржа традиционално осветување на водите на Вардар и положување на Чесниот крст.
Поради пандемијата, бројот на пријавени граѓани кои влегоа во водите беше ограничен на 20-тина, а по претходен договор меѓу капачите, немаше традиционало скокање по крстот, туку сите заедно и прегрнати до дочекаа положувањето на крстот.
„Единство, братство, сплотеност. Крстот ќе биде со сите нас, ние ќе го вратиме во црква и се одрекуваме од сите материјални награди. Оваа година имаме повеќе среќници, а не еден среќник“ порачаа верниците кои беа во водите на Вардар кога архиепиското Г.Г. Стефан го положи светиот крст во водата.
-Крстот ќе биде во сите нас, ние ќе го вратиме во Црква и се одрекуваме од сите материјални награди. Оваа година имаме повеќе среќници, а не еден среќник, порачаа капачите.
(Фото: Борис Грданоски)