Граѓани во Дебар Маало принудија пајак служба да крене незаконски паркирано возило на полицаец

Граѓани издејствуваа пајак службата да земе возило неправилно паркирано пред ресторан во скопско „Дебар Маало“. По повеќеминутна расправија со вработените во пајак службата, кои првично не сакаа да го „кренат“ возилото со објаснување дека се работи за службено возило и дека сопственикот бил полицаец на должност, мораа да интервенираат.Тоа што ги изиритира граѓаните беше фактот дека возилото беше паркирано сред велосипедската патека.

„Каква е таа должност четири саати пред кафеана“, прашуваа граѓаните кои како што може да се види од објавата на социјалните мрежи го пријавиле случајот.

Полицаецот на должност кој е присутен заедно со вработените во пајкат службата, првично се обидуваше да им објасни зошто не треба да се крева возилото, но по нивната упорност и откако се консултираше со некого даде наредба – „Кревајте го“.„Е ова е корупција“, беше коментарот на видеото што се прошири на социјалните мрежи.