Град Скопје го продолжи рокот за аплицирање за стипендии на средношколци со попреченост

Градот Скопје информира дека го продолжи рокот на објавениот јавен повик на ден 16 септември 2019 година за стипендирање на ученици со попреченост од скопските средни училишта за уште пет дена.

Комисијата за спроведување на јавниот повик одлучила апликациите на кандидатите за стипендии да се примаат до 1 октомври 2019 година.

Со цел подигање на квалитетот на образованието на учениците со попреченост, Градот Скопје првпат оваа година ќе додели 25 стипендии за овие средношколци од прва до четврта година, кои девет месеци ќе добиваат стипендијата од по 3.000 денари.