Големото враќање на Селин Дион на ОИ било лажно, претходно снимено

Милиони беа воодушевени од настапот на дивата Селин Дион на овогодинешните Олимписки игри, но музичките експерти сега тврдат дека настапот бил претходно снимен.

Со оглед на тоа што боледува од синдромот на вкочанета личност, поради што веќе неколку години не настапува, музичката дива ги изненади своите обожаватели со тоа што летово се врати на сцената кога реши да ја отпее легендарната песна „Hymne A L’Amour“ од Едит Пјаф на свеченото отворање на Олимписките игри во Париз.

Таа доби овации во таа прилика, а дури и францускиот претседател Емануел Макрон го окарактеризира нејзиниот настап како „емотивна кулминација на Олимписките игри“.

Сепак, 56-годишната пејачка сега се соочува со тврдења дека нејзиниот настап бил претходно снимен. Веста за тоа ја пренесе францускиот весник Либерасион, откако нивните новинари разговарале со неколку музички експерти.

Звучниот инженер, кој сакаше да остане анонимен, тврди дека се работи за репродукција, која може да се слушне од самиот почеток. Пијанистот и музичар Етјен Геро исто така тврди дека тоа е вистина.

„Она што го слушнавме на телевизија беше поправена репродукција“, изјави тој.

Покрај извори од музичката индустрија, на Јутјуб се појави и музичар наречен „Крилја на Пегаз“, кој смета дека настапот звучел исто како и пробата. Тој рече дека проблемот е што тоа е технички невозможно бидејќи песните честопати ќе имаат разлики дури и ако ги изведува иста личност.