Голем пожар во „Чаирчанка“

Попладнево голем пожар избува во близина на Чаирчанка. Според информациите  зафатени се 4 објекти, но нема повредени лица. Околу пожарот се интервенира со 8 противпожарни возила.

Од пожарот се зафатени два дуќани – сервиси за велосипеди и мотори, една куќа и чајџилница.  Истрагата ќе треба да утврди која било причината за големиот пожар.

„Поради згуснати куќи, дуќани и згради опасноста беше голема, но со брзата интервенција на единицата беше спречена поголема катастрофа. Дополнителен проблем беа и паркираните коли долж улицата па моравме да повикаме да дојде полиција за да се тргнат возила и да се забрани движењето во тој дел од населбата“, вели командантот на противпожарната единица Владимир Стојановски.Пожарот веќе е изгаснат.