Глобалните пазари во бројки: Ова се берзите со најдобри приноси во последната деценија

Доколку размислувате да станете вистински глобален инвеститор со инвестиции низ целиот свет и се прашувате на кој финансиски пазар да се опробате, оваа инфографика и табела, кои ги прикажуваат годишните приноси (изразени во американски долари) помеѓу 15 март 2015 и 2025 година од големите берзи во 30 земји, нуди корисни сознанија.

Податоците се земени од платформата HelloSafe, канадска платформа за споредба на осигурувања.

Извор: Visualcapitalist.com

Најдобрите берзи од 2015 година според приносите

S&P 500 оствари годишен принос од 17% во текот на 10 години – највисок меѓу главните глобални берзи.

Тоа е речиси петкратен поврат, што значи дека инвестиција од 10.000 долари во 2015 година би вредела речиси 50.000 долари во 2025 година.

И главните индекси од Бразил, Индија и Виетнам, исто така, забележаа принос помеѓу 12–16%.

Тие лесно ги надминаа берзите во Европа (DAX и FTSE), како и во други делови од Азија (Nikkei).

Но, тоа исто така го поставува прашањето – зошто композитниот индекс SSE, кој ја следи Шангајската берза, воопшто не забележа раст?

Објаснување на кинескиот балон од 2015 година

Излегува дека масовното инвестирање од страна на неискусни инвеститори може да има сериозни последици.

Во текот на 2015 година, кинескиот берзански пазар доживеа нагло зголемување на активноста од мали инвеститори, поттикнато од шпекулативните очекувања и лесно достапниот кредит.

Како резултат на тоа, Шангајскиот композитниот индекс, кој дотогаш брзо растеше, го достигна својот врв во јуни, по што падна за 30% во текот на следните три недели.

Од април 2025 година, Шангајскиот композитниот индекс сè уште не се опоравил на нивоата од 2015 година.