Герасимовски: Инспекцијата спречи незаконско градење на Водно

11/05/2023 14:05

 Градоначалникот на Општина Центар Горан Герасимовски постапувајќи по пријава од граѓани заедно со инспектори од Секторот за инспекциски работи денеска излезе на терен, на Водно каде се забележани нелегални градежни дејствија. Станува збор за четири парцели во приватна сопственост, кои се надвор од Деталниот урбанистички план и од Генералниот урбанистички план и се водат како земјоделско земјиште, односно лозја.

– На оваа локација не е предвидена никаква градба затоа веднаш е донесено решение за стопирање на градежните активности, а сопственикот е повикан во општина каде ќе бидат утврдени следните чекори. Им се заблагодарувам и на жителите за пријавата по која веднаш постапивме. Нема да дозволиме непочитување на законите и уништување на зеленилото заради нечие самоволие, рече Герасимовски на Водно.

Тој повторно ги потсети сопствениците на парцелите на Водно да не ги прекршуваат законите. Градоначалникот на Центар порача дека онаму каде не е предвидено не смее да се гради и оти Водно останува на граѓаните.

Поврзани содржини

Министерот Минчев во алтернативна реалност – зборува за реформи, а администрацијата се полни пред изборите
Данела беше тепана, зградата продолжува да се гради, вели Апасиев
Народен правобранител Насер Зибери се пензионира
ЈП ЛАЈКА апелира до граѓаните да покажат грижа и одговорност кон милениците и бездомните животни
Разрешениот судија Лазар Нанев се врати како инспектор во МВР
Без вода корисниците од ул. Владимир Комаров во Аеродром, без струја делови од повеќе скопски општини
Земјотрес во Косово, почувствуван во Скопје и околината
Претпладне многу топло, попладне пороен дожд и ветер

Најчитани