Георгиевски: Нашите историчари не излегуваат од југословенските шеми

Поранешниот премиер и претседател на ВМРО-НП, Љубчо Георгиевски во своето гостување во БГНЕС евоцираше спомени од својата младост, кога бил војник.

-Бев војник во Штип. Цело време бевме убедувани дека мора да се бориме против Бугарија, дека таа може да нè нападне во секој момент. Не ни рекоа да се пазиме од Грците, Албанците, Американците или од Русите. Само од Бугарија. Ни беше кажано како да се однесуваме, како да ги закопчуваме кошулите, предупредувајќи нè дека има бугарски агенти кои само чекаат да снимаат пијани југословенски војници како дел од оваа пропаганда, што беше достапна дури и во училиштата, вели Георгиевски.

Според него проблем лежи во историските перцепции.

– И сега, кога Заев рече неколку работи на БГНЕС за оваа заедничка историја, поголемиот дел од македонското општество е шокиран. Шокиран е затоа што се наоѓаме во еден вид воена состојба, во која група политичари, вклучително и јас, Заев, Пендаровски, Владо Бучковски, поранешниот министер за надворешни работи Денко Малевски, сме дел од политичарите кои се попрогресивни и инсистираат историчарите да разговараат и да истражуваат. Сепак, историчарите цврсто се фатиле во корупките на поранешните југословенски шеми и не излегуваат од нив. И ова е реалноста – додава Георгиевски.