Гаши: Уставните измени мора да се спроведат што поскоро, додека не се иселила половина држава

Првиот човек на Алтернатива, Африм Гаши во „Summer Click“ вели дека уставните измени мора да се спроведат што поскоро, за да се деблокираат евроинтегративните процеси. Гаши вели дека како држава не треба да дозволиме да се испразни половина земја.

„Која ќе биде смислата на нашиот процес ако ни избегаат сите луѓе, многу млади луѓе, ако од нас бегаат најдобрите луѓе, студенти, дипломирани, најдобрите глави на оваа земја, лекари. Мислам дека немаме капацитет како мала држава да дозволиме половина држава да се испразни“, рече Гаши.