(Галерија) Засилен ветар во Скопје, градот чисто се гледа од Водно
Управата за хидрометеоролошки работи издаде метео аларм, во кој вели дека денес, особено во средината на денот ќе дува засилен ветер од јужен правец, наместа со брзина од над 70 км/час, а ќе биде најизразен вдолж Повардарието.
Најавениот ветар, иако сѐ уште не со таа брзина го исчисти воздухот во главниот град. За тоа придонесоа и повремените врнежи од дожд што последните два дена ја зафатија Скопската котлина.
Ваквите услови придонесоа градот да ги отфрли оковите од магла и да се покаже со сиот свој сјај.
Погледнете го Скопје од Водно денеска, преку фотографиите на нашиот фоторепортер Борис Грданоски:
