Фотографија што носи симболика и јасен став: Ердоган испрати порака до светот од Северен Кипар

Турскиот претседател Реџеп Таип Ердоган пристигна во Северен Кипар по повод 51-годишнината од турската воена интервенција во Кипар, а по тој повод испрати јасна порака преку социјалните мрежи.
Имено, на социјалната мрежа X, Ердоган објави фотографија на која во позадина се гледаат знамињата на Турција и Северен Кипар, заедно со кратка порака.

„Тука сме за единство, заедништво, мир и просперитет на кипарските Турци и секогаш ќе бидеме тука“, рече Ердоган.

Тој исто така рече дека неправдата кон кипарските Турци мора да се запре.

„Без разлика која врата ќе ја затворат за да им го блокираат патот на кипарските Турци, ние секогаш сме наоѓале нови врати за отворање, нови патишта за следење“, рече тој.

Тој повтори дека Турција поддржува решение со две држави во Кипар.

„Крајно време е глобалната заедница да се соочи со реалноста на поделениот остров“, заклучи Ердоган.

Северен Кипар е признат како независна држава само од Турција.