(Фото) Тунел ископан од суд во Црна Гора до стан – се изнесувале докази за мафијата?

Откако во понеделникот службениците на црногорскиот висок суд откриле дупка на ѕидот на депото на таа институција, каде се чуваат доказите, ја алармирале полицијата, а подгоричките медиуми почнаа да шпекулираат што исчезнало од доказите.

Претседателот на Вишиот суд, Борис Савиќ, вчера ги прекина шпекулациите и тврди дека ниту еден од судските списи или докази не е украден.

„Утврдивме дека предметите во депото се преместени од нивната претходна локација. Направен е попис, речиси ништо не недостасува. Утврдено е дека предметите биле испревртени, а информациите дека се украдени не се точни”, изјави Савиќ.

И покрај тоа што само во последните две години во депото на Вишиот суд во Подгорица биле складирани речиси десет тони дрога, која послужила како доказ, Савиќ смета дека не станува збор за обид за грабеж, туку за подготовка на обид за бегство.

„Се сомневаме дека целта бил лесен пристап до судот и до притворската соба“, рече Савиќ, додавајќи дека вработените во Вишиот суд го нашле само отворот на тунелот на добро скриено место. Станува збор за тоа дека овој отвор се правел долго време, на што укажуваат неговите димензии“, изјави Савиќ.

Малку подоцна полицијата го открила другиот крај на тунелот во станбена зграда оддалечена десетина метри, во стан кој бил изнајмен пред два месеци, но не ги нашла сторителите. Министерот за внатрешни работи на Црна Гора Филип Аџиќ изјави дека тоа е еден вид напад на црногорската држава.

„Ова е добро испланирана и организирана акција која се подготвувала со месеци и наликува на акциони филмови“, рече тој и додаде дека црногорската полиција ќе направи сѐ за да ги открие сторителите и дека во моментов се врши попис на материјалите од депото.

Абазовиќ: Тунелот не можеше да се ископа без помошници од судот

Премиерот Дритан Абазовиќ, министерот за правда Марко Ковач и министерот за внатрешни работи Филип Аџиќ претпладнето го посетија станот од кој беше пробиен тунелот до Вишиот суд.

🔴Vlada Crne Gore objavila je fotografije tunela koji vodi do Višeg suda.

🔴Tunel koji vodi do depoa Višeg suda vodi iz stana koji se nalazi u zgradi preko puta u pješačkom dijelu Njegoševe ulice.#podgorica #visisud #crnagora #rtcg #hronikacg pic.twitter.com/wfBevQasZv

— RTCG (@RTCGme) September 13, 2023

Абазовиќ, како што пренесува Вијести, смета дека во ова требало да се вклучи некој од судот, бидејќи почетокот на копањето на тунелот се поклопува со почетокот на реновирањето на зградата на судот. Тој додаде дека ќе бара одговорност.

„Верувам дека ова е поткопување на државата, во суштинска и во формална смисла. Мислам дека сме на добар пат истрагата да го покаже својот успех. Денеска ќе се одржи состанок на Бирото за оперативна комуникација, утре веројатно Советот за национална безбедност…

Мафијата, колку и да е финансиски силна, колку и да има поддршка во институциите на системот, вклучително и во судството, нема да ја победи државата.

Степенот до кој нарко картелот е вклучен во Црна Гора е над сѐ што некој може да замисли. Верувам дека се десеткувани и дека тоа се потези на очајните, веројатно во насока на контаминирање на доказите.

Но, овде, како што се обидоа и претходно, мислам дека и ова е спречено и дека треба да видиме дека тие што го направија ова ќе бидат изведени пред лицето на правдата“, изјави Абазовиќ пред новинарите.

Тој смета дека тоа не можело да се направи без „помагачи во институцијата Висок суд“.

„Начинот на кој почнаа работите, датумот кој е сличен на датумот на почетокот на реновирањето на зградата… Има многу работи кои можат да се доведат во логично поврзување. Ова е мојот став кон кој имам право. Мислам дека ова е обид за координирана акција, која сепак е спречена… Регистрирани се повеќе луѓе кои можат да се поврзат, сега треба да ги оставиме оперативците да си ја завршат работата, па да почне спроведувањето“, рече Абазовиќ.

Медиуми: Се истражуваше случајот против кавачкиот клан

Вијести утрово објави дека случајот против кавачкиот криминален клан е еден од оние претресени во депото на Вишиот суд во Подгорица откако мафијата нашла начин да влезе во просториите на таа институција.

Еден од изворите тврди дека тунелот бил копан најмногу месец и половина. Според овие информации, сопствениците кон крајот на јули го издавале станот во подрумот на зградата, спроти страната на зградата на судот. Акцијата најверојатно била спроведена во август, додека повеќето вработени во државната администрација биле на годишен одмор.

Според еден од соговорниците на весникот, станарите на станот користеле лажни документи. Станодавците вчера попладне биле сослушани во подгоричката полиција. Сопственичката рече дека не ги познава луѓето кои го изнајмиле станот.