(Фото) Снежно невреме ги зафати Бугарија и Романија. Двајца загинати во Бугарија
Две лица загинаа во невремето во Бугарија и Романија за време на викендот, што предизвика соборени дрвја и прекин на електричната енергија на брегот на Црното Море.
Жена била згмечена од дрво
Во саботата вечерта, 43-годишна жена била здробена до смрт од дрво во источниот град Варна, соопшти бугарската полиција. Повредени се и двајца спасувачи кога врз нив паднале скршени гранки.
Шеесет и петгодишен возач загина во Софија кога дрво паднало врз автомобилот во кој се наоѓал. Неговата сопруга е хоспитализирана во тешка состојба.
Силен ветер и високи бранови на Црното Море
Иако денеска се смирува временската состојба во главниот град, источна Бугарија се уште е изложена на силен ветер кој дува со брзина поголема од 100 км/ч и немирно море, со бранови над пет метри.
Крајбрежниот град Варна прогласи вонредна состојба, како и осум други градови во регионот, а жителите беа замолени да останат дома.
Снежен хаос владее и на североистокот од земјава, од каде полицијата добила десетици повици од возачи во неволја. Авионскиот и железничкиот сообраќај беа прекинати.
Хаос и во Романија
Истото невреме ја погоди и соседна Романија. Таму црноморските пристаништа се затворени за пловидба.
Метеоролошката служба издаде највисоко црвено предупредување за провинциите Констанца и Тулчеа.
On Nov 18, 2023 it snowed heavily over mountainous and eastern parts of Romania with multiple reports of wind damage, road closures and accidents ❄️
The map below shows the depth of snow at 8 pm (local time) on Nov 18, 2023. pic.twitter.com/0BFUNRrYj8
— Thunder26 (@Thunder261) November 19, 2023
Десетици илјади домови таму останаа без струја, а пожарникарите отстранија 140 дрвја кои паднаа на патот. Оштетени се и четириесетина возила.