Евробаскет: Турција и Германија победија

Рига – Турската кошаркарска репрезентација ја оствари втората победа на Европско првенство, совладувајќи ја попладнево Чешка со 92-78 во второто коло од Групата А во Рига, а до втора победа дојде и Германија со триумфот над Шведска со 105-83 во второто коло од Групата Б во Тампере.

Чесите имаа водство од осум поени во првата четвртина, но Турците поведоа кон средината на втората четвртина, кое не го испуштија до крајот на натпреварот и во најголем дел одржуваа двоцифрена предност.

Алперен Шенгун беше најдобриот играч на натпреварот со 23 поени, 12 скокови и девет асистенции, а Чеди Осман постигна 21 поен. Мартин Петерка беше единствениот чешки кошаркар со двоцифрен ефект со 23 поени.

За актуелниот светски шампион Германија ова е втора убедлива победа на овој Евробаскет, а до неа ги предводеа Денис Шредер со 23 кошеви и седум асистенции и Франц Вагнер со 21 поен.

Евробаскет – 2. коло

ГРУПА А (Рига)

Турција – Чешка 92-78, Латвија – Естонија (17:00), Србија – Португалија (20:15)

Табела:

Турција 2 2 0 185-151 4
Србија 1 1 0 98-64 2
Португалија 1 1 0 62-50 2
Чешка 2 0 2 128-154 2
Латвија 1 0 1 73-93 1
Естонија 1 0 1 64-98 1
ГРУПА Б (Тампере)

Германија – Шведска 105-83, Литванија – Црна Гора (15:30), Финска – Велика Британија (19.30)

Табела:

Германија 2 2 0 211-159 4
Литванија 1 1 0 94-70 2
Финска 1 1 0 93-90 2
Шведска 2 0 2 173-198 2
Велика Британија 1 0 1 70-94 1
Црна Гора 1 0 1 76-106 1