Еве колкава беше просечната плата за април во Србија

Српскиот завод за статистика денес објави дека просечната бруто плата за април оваа година изнесувала 150.777 динари, додека просечната плата без даноци и придонеси, односно нето, изнесувала 109.272 динари.

Како што е наведено, растот на бруто и нето заработката за првите четири месеци од оваа година во споредба со истиот период минатата година изнесувал 11,7 проценти номинално, односно седум проценти реално.

Во споредба со истиот месец од претходната година, просечната бруто и нето заработка за април оваа година е номинално поголема за 13,1 процент, а реално за 8,7 проценти.

Средната нето заработка за април оваа година изнесувала 83.974 динари, што значи дека 50 проценти од вработените оствариле заработка до наведениот износ.