Една поинаква Нова година со Иван Босиљчиќ во НОБ
Започнете ја Новата 2025 година ексклузивно, со енергија, стил и уникатно искуство кое ќе ги надмине сите новогодишни прослави досега! Оваа година, Национална опера и балет и „Прагма продукција“ Ви нудат дочек кој е сѐ, само обичен не. Новогодишна ноќ под знакот на музиката, хуморот и незаборавната забава, со специјалното музичко кабаре шоу на Иван Босиљчиќ, проследено со афтер-парти што ќе трае до изгрејсонце.
Замислете новогодишна ноќ исполнета со луксузна атмосфера, раскошно кабаре и стенд-ап хумор што ќе ви измами искрена насмевка. Иван Босиљчиќ, човекот чија харизма едноставно хипнотизира, ќе ви понуди уникатно шоу, полно со хитови, хумор, и искрени емоции. Тој ќе ве води низ една магична ноќ во која секоја нота и секоја шега ќе создадат атмосфера на интимност и гламур, носејќи ве на патување низ најдобрите песни и приказни.
Но, тоа не е сè! Тука магијата не завршува! По шоуто, сè уште нема да биде време за спиење – вистинската забава дури тогаш започнува! Придружете ни се на ексклузивната ретро афтер-парти во малата сала на НОБ, каде што Вера Јанковиќ ќе го одржи пулсот на вечерта со својата енергија и безвременски ретро хитови. Оваа ретро вечер ќе биде вистинско враќање во времето кога музиката зборуваше сама за себе.
Картите се пуштени во продажба и истите имате можност да ги купите преку продажната мрежа на www.kupikarta.com, Розе Веро 2 и Јк травел во Бисер.