Драган Мијалковски распродаде два концерти во НОБ

Откако првиот концерт на Драган Мијалковски на 2 април во Националната Опера и Балет се распродаде во рекордно време, со задоволство најавуваме дека се трошат последните билети и за вториот концерт – на 3 април. Побрзајте, бидејќи трет концерт ќе нема!

Јубилејните гала-концерти на нашата музичка легенда Драган Мијалковски ќе се одржат во придружба на Големиот концертен оркестар и  членови од Националниот џез оркестар, во организација на Радио Бубамара.

На програмата се најпопуларните песни на Драган Мијалковски кои ќе бидат изведени во исти аранжмани како во старите добри времиња. Ексклузивно ќе бидат претставени и двепесни од новиот албум, на кој Мијалковски интензивно работи.

Концертот ќе се снима за да се архивира за идните генерации, затоа подгответе се заедно да ги пееме  незаборавните „Кажи ми“, „223-3О5“, „Скопје радост моја“, „Кажи нешто, драга“, „Перонот 3“ , „Моја малечка гулабице“, “Убава си како музика“, „Ти така ми доаѓаш“, „Оди си“, „Иди, иди, душо моја“, „Гитаро моја“, „Лебеди, пловете“ и други незаборавни песни, кои одамна си нашле место во домашната антологија на евергрини.