Доминација на Дарио Ивановски на 5.000 метри – голема победа за Македонија на Европското екипно првенство

Најдобриот македонски маратонец, Дарио Ивановски, забележа убедлива победа на трката на 5.000 метри, која се одржа во Марибор, Словенија, во рамки на Европското тимско првенство – трета дивизија. Ова е втора победа за македонската атлетска репрезентација на шампионатот.

Ивановски трката ја заврши со време од 14:04,06 минути, што претставува негов најдобар резултат оваа сезона, иако е за десет секунди послаб од неговиот личен рекорд.

Неговата доминација беше очигледна – второпласираниот Балдвин Магнусон од Исланд заостануваше повеќе од 26 секунди, а дел од натпреварувачите беа престигнати и за еден круг.