Договор за платите не е постигнат
Со генерален штрајк и со протест пред СОбрание на 10 февруари се заканија денеска демонтрантите од СОјузот на стопански комори, доколку не се донесе закон за минималната плата, со кој ќе се гарантираа таа да биде во висина од 18.000 денари.
Попладнево се одржа уште еден состанок на работодавачите и синдикатот во Владата, но повторно не бил постигнат договр, како и пред два дена.
– И денеска нема договор очигледно дека работодавачите си гледаат само за нивните фирми и нивниот капитал.Дури се дрзнаа денеска да бараат за нив за они да опстојат, а ние работниците кој, каде , како ќе најде, значи еден нефер и некоректен однос од страна на работодавачите, вели првиот синдикалец, Дарко Димовски по вечерашната средба со владат.
Тој додава дека на средбата Владата излегла со одлична анализа.
Вицепремиерот за економски прашања Фатмир Битиќи вели дека имало напредок на денешниот состанок.
„Заедничкиот заклучок е дека постоечкиот модел за усогласување на минимална плата е неприфатлив за ниту една страна. Тој модел не генерира достоинствено зголемување на минимална плата, не одговара на реалните потреби на работниците и во суштина го отфрливме, тоа е еден до заклучоците“, рече Битиќи.
Во понеделник, Економскиот совет треба да ги разгледа предлозите на сите засегнати, а од Бизнис конфедерацијата побарале да се субвенционира исплатата на минималната плата, за што Битиќи вели дека треба дополнително да се анализира.