Дмитриев негира вмешаност на руските разузнавачки служби во скандалот со Епштајн

Главниот преговарач на Русија во разговорите со САД, Кирил Дмитриев денеска ги отфрли обвинувањата за вмешаност на руското разузнавање во скандалот со Џефри Епштајн.

– Очајни, морално пропаднати, лажливи левичарски елити паничат и се обидуваат да заблудат. Светот е изморен од вашите лаги и ги гледа нивните вистински намери, објави Дмитриев на платформата Икс.

Тој реагира откако полскиот премиер Доналд Туск изјави дека покојниот сексуален предатор и педофил Епштајн можеби имал блиски контакти со Русија.

Вашата кабала и лажна пропагандна машина се разоткриени. Крај на играта за изопачените и често сатански либерални елити, истакна Дмитриев.