„Дижонска“ доби фекална канализација, следно е нов водовод

На улицата „Дижонска 17“ во Општина Чаир успешно е завршена изградбата на новата фекална канализациона мрежа во должина од 180 метри, со што значително се подобрува инфраструктурата за 35 домаќинства во овој дел од општината.

Во моментов се во тек подготвителни активности за наредната фаза – инсталација на нова водоводна мрежа, која ќе овозможи стабилно и квалитетно водоснабдување за жителите на оваа населба.

Овој проект е дел од стратегијата на Општина Чаир за изградба на модерен и функционален јавен инфраструктурен систем во секоја населба, заснован на реалните потреби на заедницата.

Градежните активности се реализираат согласно динамичниот план и ќе продолжат со полн интензитет до завршување на сите фази од проектот.