Дива депонија во Скопје претворена во прв мега-парк
Градоначалничката на Град Скопје Данела Арсовска денеска порача дека веќе се гледаат контурите на првиот мега-парк во Скопје, паркот „Даме Груев“ во општината Ѓорче Петров.
-Започнавме со засадување на првите украсни садници, а веќе е завршена изведбата на шеталиштата во првиот дел од паркот и насадени зелените површини. Следува поставување на дополнителните содржини и поставување на осветлувањето. Паркот се простира на над 30.000 метри квадратни, исполнети со содржини кои скопјани ќе ги уживаат секојдневно, порача таа.