Девојче (4) почина во Косово, ја претепале децата на нејзиниот вујко

Четиригодишно девојче од Ѓаковица, Косово, починало вчера во болница во Приштина под сѐ уште неразјаснети околности.

Сомеќите се дека им подлегнала на повредите што ѝ ги нанеле децата на нејзиниот вујко, пишува Телеграф. Во болницата во Приштина била донесена во тешка состојба, а лекарите ѝ рекле на мајка ѝ дека има сериозни повреди по телото нанесени од децата на нејзиниот вујко, со кои наводно си играла во дворот од куќата на нејзиниот вујко.

„Не можеше да оди, само плачеше“
Таа отишла во посета на вујкото заедно со нејзината мајка. Мајка ѝ Хајра рече дека девојчето ѝ кажало дека ја тепале деца од семејството на нејзиниот вујко.

„Кога ја зедов во раце, не можеше да оди, само плачеше“, рекла мајката.

Девојчето имало модринки во долниот дел на грбот и имало оток на градниот кош, констатирале лекарите во Ѓаковица, но поради сериозноста на повредите за кои подоцна било констатирано дека се и во пределот на главата, веднаш ја пренеле во Приштина.

Која е причината за смртта?
Иако лекарите во Ѓаковица констатирале повреди, нејзината мајка изјавила дека има друга причина за смртта. Таа тврди дека дежурниот лекар во болницата во Приштина среде ноќ ѝ рекол дека девојчето има голема инфекција и поради тоа крвари.

Лекарскиот одбор се согласил со оваа причина за смртта, а на прашањето дали инфекцијата настанала поради претепување  или несоодветен лекарски третман, ќе се одговори подоцна.

Тоа треба дае го утврди истрагата, бидејќи надлежниот обвинител донел наредба за поведување истрага за смртта, а се очекува и пријава од Институтот за судска медицина каде телото е испратено на обдукција.