Делоит: Извозот на германски автомобили во САД нагло ќе падне кога ќе се воведат тарифи

Трговските тарифи за увезените возила што ги објави американскиот претседател Доналд Трамп оваа недела може да доведат до голем пад на извозот на германски автомобили во САД, покажуваат пресметките на меѓународната сметководствена компанија Делоит.

Извозот во САД на возила и автоделови од Германија – каде автомобилскиот сектор е клучен столб на економијата – може да падне до 29%, покажа анализата на Делоит.

Тоа би одговарало на намалување на продажбата за 8,2 милијарди евра (8,84 милијарди долари), соопшти германското седиште на Делоит во Минхен.

Тарифите од 25 отсто треба да стапат на сила на 3 април, се вели во соопштението на Белата куќа.

Пресметките на Делоит се засноваат на податоците од Проектот за анализа на глобалната трговија, меѓународна истражувачка мрежа за анализа на трговските текови.

Севкупно, германските производители продадоа 1,3 милиони автомобили во САД минатата година, рече Харалд Проф, шеф на глобалната автомобилска пракса на Делоит.

Германските производители на автомобили кои веќе имаат свои фабрики во САД не можат едноставно да пренесат повеќе производство таму, тврди тој, бидејќи американските фабрики веќе работат со капацитет од 70%.

„Би се потребни значителни инвестиции во нов производствен капацитет“, рече Проф.