Децата под осум години не треба да ги пијат популарните „засладени“ сокови

Децата под осум години не треба да пијат „засладени“ безалкохолни пијалоци направени од кршен мраз поради засладувачот глицерол што може да ги разболи, покажа истражување.

Медицинските експерти ја анализирале состојбата на 21 дете на возраст меѓу две и седум години во Велика Британија и Ирска, кои биле итно лекувани кратко време по пиењето на „слаши“ сокови.

Пијалоците со светли бои се дизајнирани да им се допаднат на децата, но повеќето содржат природен засладувач глицерол наместо шеќер за да не замрзнуваат.

Децата под пет години треба да го избегнуваат овој пијалок, а децата под 11 години не треба да пијат повеќе од еден на ден, препорачува Агенцијата за стандарди за храна на Велика Британија.

Анализите покажаа дека ако детето премногу брзо пие „засладувач“, интоксикацијата со глицерол може да предизвика шок, хипогликемија (низок шеќер во крвта) и губење на свеста.

Децата чија состојба беше опфатена во студијата, објавена во списанието „Архива на болести во детството“, имаа потреба од итна медицинска помош откако се разболеа акутно во рок од еден час по пиењето на пијалокот.

Лекарите рекоа дека имале „синдром на интоксикација со глицерол“:

– повеќето биле во несвест и покажувале знаци на низок шеќер во крвта и висока киселост во крвта
– во четири случаи било потребно скенирање на мозокот
– едно дете имало напад

Сите деца се опоравиле и биле отпуштени од болница, со совет да избегнуваат „слаши“.

Родителите не се свесни
Водечката авторка на студијата, професорката Елен Крашел, предупреди дека 21 случај разгледан во студијата може да биде „врвот на ледениот брег“, иако нагласи дека илјадници деца пијат вакви пијалоци секој ден низ целиот свет без несакани ефекти.

Може да има и „поблага група“ на која можеби нема да им треба хоспитализација, но сепак да имаат симптоми како што се „гадење и повраќање“, додаде таа.

Педијатрите кои стојат зад студијата, сите со седиште во Велика Британија и Ирска, велат дека на родителите им е тешко да утврдат колку глицерол има во овој освежителен пијалок.

Препораките засновани на тежината на детето се тешки за толкување од страна на родителите, велат тие, а колку брзо се пие „слашито“ и дали се зема со оброк или по вежбање, исто така, може да бидат фактори за несакани ефекти.

„Затоа, проценката на безбедна доза не е лесна“, велат истражувачите, кои наместо тоа препорачуваат примена на совети засновани на возраста на детето.

Д-р Сали Ан Вилсон, претседател на комитетот за побезбедна грижа на Кралскиот колеџ за итна медицина, изјави за BBC Breakfast: „Како родител, сакате да донесувате информирани одлуки за тоа што купувате за вашето дете и ако не сте свесни дека има глицерол во „слашито“ и што може да направи, тогаш нема да имате сомнежи дали да го купите.“

Вилсон вели дека советите за пиење засновани на возраста се сложени бидејќи постојат варијации во тежината на децата, но додаде дека „дефинитивно постои аргумент“ за зголемување на минималната возраст за решавање на таков проблем.

Една од причините за неодамнешното зголемување на детските заболувања би можела да биде помалата содржина на шеќер во „слаши“, што се покажа како привлечно за родителите, се вели во студијата.

Во земјите без данок на шеќер, тие содржат многу повеќе гликоза, а честопати воопшто не содржат глицерол, велат авторите.