Де Бруин пред неочекуван трансфер во второлигаш

 Кевин де Бруин би можел да го напушти Манчестер Сити на крајот од сезоната. Неговиот договор истекува, а тој се уште нема потпишано нов.

Де Бруин се поврзува со американскиот Сан Диего, а се споменува и Неом СЦ, водечкиот саудиски второлигаш, кој е блиску до промоција во највисокото ниво на локалниот фудбал.

– Моќен и исклучително богат клуб е сериозно заинтересиран, а Де Бруин не го одби. Првиот разговор беше позитивен. Тој е отворен за заминување во Саудиска Арабија – пренесуваат медиумите.

Неом СЦ е основан во 1965 година под името Ал-Шукур. Во поголемиот дел од својата историја се натпреваруваше во втората и третата лига. Тој во 2011 година заврши на второто место и првпат се пласираше во вториот ранг, но веднаш испадна.

Во 2023 година, саудиското Министерство за спорт објави дека клубот ќе стане акционерско друштво, по што го промени своето име во истоимената урбана населба во градот Табук.

Де Бруин кариерата ја започна во Генк, а потоа играше за Челси, Вердер Бремен и Волфсбург. Тој дојде во Манчестер Сити во 2015 година и долги години беше главен играч на тимот кој владееше во Премиер лигата. Со клубот од Манчестер ја освои Лигата на шампионите и уште 17 трофеи.

За белгиската репрезентација одигра 109 натпревари и постигна 30 голови. „Трансфермаркт“ ја проценува неговата вредност на 27 милиони евра.